நீலகிரி மாவட்டம் நெலாக்கோட்டை பகுதியில் உலா வந்த ஒற்றைக் காட்டு யானையால் மக்கள் அச்சமடைந்தனர்  ...

நீலகிரி மாவட்டம் நெலாக்கோட்டை பகுதியில் உலா வந்த ஒற்றைக் காட்டு யானையால் மக்கள் அச்சமடைந்தனர்  ... இருசக்கர வாகனங்களை சேதப்படுத்திய காட்டு யானை ஆக்ரோஷமாக   பொதுமக்களை துரத்தியதால் பரபரப்பு ஏற்பட்டது . கூடலூர் அடுத்துள்ள நெலாக்கோட்டை பகுதியில் கடந்த சில நாட்களாக ஒற்றைக் காட்டு யானையின் நடமாட்டம் காணப்படுகிறது . இதனால் மக்கள் மிகுந்த அச்சமடைந்து வருகின்றனர் கடந்த சில நாட்களுக்கு முன்பு  இந்தக் காட்டு யானை காரை சேதப்படுத்தி சூறையாடியது . அதன் பின்பு காட்டு யானை நடமாட்டம் இல்லாமல் இருந்த நிலையில் இன்று திடீரென  காட்டு யானை பஜார் பகுதிக்குள் உலா வந்தது . இதனைக் கண்ட பொதுமக்கள் ஓட்டம் பிடித்து வீடுகளுக்குள்ளே தஞ்சமடைந்தனர் . சாலையில் நடந்து வந்த காட்டு யானை இருசக்கர வாகனங்களை சேதப்படுத்தியது  . பின்பு யானையை கூச்சலிட்டு விரட்டிய பொதுமக்களை கண்டதும் அவர்களை யானை ஆக்ரோஷமாக விரட்டியது . குடியிருப்புகள் உள்ள பகுதியில் உலா வந்த காட்டு யானையால் மக்கள் வெளியே வர அச்சமடைந்து வீடுகளுக்குள்ளேயே தஞ்சமடைந்தனர் . தற்போது வனத்துறையினர் காட்டு யானையை பின்தொடர்ந்து அதை விரட்டும் பணியில் ஈடுபட்டு வருகின்றனர் . மேலும் காட்டு யானை நடமாடி வருவதால் வீடுகளுக்குள் உள்ள பொதுமக்கள் வெளியே வர வேண்டாம் என கிராம மக்களும் வனத்துறையினரும் கூச்சலிட்டு எச்சரிக்கை கொடுத்தனர் .