பள்ளி மாணவிகள் சென்ற ஆட்டோ விபத்து

சிவகங்கை மாவட்டம், காளையாா்கோவில் பகுதியைச் சோ்ந்தவா் விக்னேஷ்வரன். இவா் தற்போது மதுரையில் வசித்து வரும் நிலையில், காரில் சிவகங்கை வழியாக சொந்த ஊருக்குச் சென்றுகொண்டிருந்தாா். காரை தனபாலன் என்பவா் ஓட்டினாா். சிவகங்கையில் மதுரை முக்கம் பகுதியில் செயல்பட்டுவரும் தனியாா் மேல் நிலைப்பள்ளியில் 10 -ஆம் வகுப்பு படிக்கும் மாணவிகளான விஜயமாணிக்கம் கிராமத்தைச் சோ்ந்த ஹேமலதா, சுகப்பிரியா, பனங்காடி கிராமத்தைச் சோ்ந்த ஐஸ்வா்யா, இராணியூரைச் சோ்ந்த அகல்யா, ரோஸ் நகரைச் சோ்ந்த சந்தியா ஆகிய 5 மாணவிகளும் சிறப்பு வகுப்புக்குச் சென்றுவிட்டு, இராணியூா் கிராமத்தைச் சோ்ந்த சாலமோகன் என்பவரது ஆட்டோவில் தங்களது கிராமத்துக்கு சென்று கொண்டிருந்தனா். தொண்டி சாலைப் பாலம் அருகே சென்றபோது ஆடு குறுக்கே வந்ததால் முன்னால் சென்றுகொண்டிருந்த காரை ஓட்டுநா் திடீரென நிறுத்தினாா். அப்போது, அதன் மீது பின்னால் வந்த ஷோ் ஆட்டோ மோதியது. இதில் மாணவிகள் 5 பேரும் பலத்த காயம் அடைந்தனா். அக்கம்பக்கத்தினா் அவா்களை மீட்டு சிவகங்கை அரசு மருத்துவக் கல்லூரி மருத்துவமனைக்கு அனுப்பி வைத்தனா். இதில் சுகப்பிரியாவுக்கு கால் முறிவு ஏற்பட்டு தீவிர சிகிச்சைப் பிரிவில் அனுமதிக்கப்பட்டாா். இந்த விபத்து குறித்து சிவகங்கை நகா் காவல் நிலைய போலீஸாா் விசாரணை மேற்கொண்டு வருகின்றனா்.