ராமநாதபுரம் அமைச்சர் ராஜ கண்ணப்பனுக்கு பொதுமக்கள் நன்றி

ராமநாதபுரம் மாவட்டம் கமுதி அருகே உள்ள வண்ணாங்குளம் கிராமத்தில் ஏராளமானோர் வசித்து வரும் நிலையில் இந்த கிராமத்திற்கு இதுவரை எவ்வித அரசு மற்றும் தனியார் பேருந்து போக்குவரத்து வசதியும் இருந்தது இல்லை. இவர்கள் கமுதி செல்ல வேண்டுமெனில் ஊரில் இருந்து 6 கிலோ மீட்டர் நடந்து கமுதி to கீழ்குடி சாலைக்கு சென்று பேருந்தில் செல்லும் நிலை இருந்து வந்தது. இந்நிலையில் தங்கள் ஊருக்கு பேருந்து வேண்டி முதுகுளத்தூர் தொகுதி சட்டமன்ற உறுப்பினரும், வனத்துறை மற்றும் கதர் வாரியத்துறை அமைச்சருமான ராஜகண்ணப்பனிடம் தங்கள் ஊரின் வழியாக கமுதி சென்று வர பேருந்து ஏற்பாடு வசதி செய்து தருமாறு கோரிக்கை வைத்தனர். அதன்படி அமைச்சர் கோரிக்கை பரிசீலிக்க பட்டு இன்று கமுதியில் இருந்து பம்மனேந்தல் செல்லும் பேருந்து வண்ணாங்குளம்சென்று அதே வழியில் மீண்டும் செல்லும்படி புதிய வழித்தடம் (பெண்களுக்கு இலவசம்) தொடங்கப்பட்டது. இதனை ஒட்டி வண்ணாங்குளம் கிராம மக்கள் நீண்ட காலத்திற்கு பின் வந்த போது விண் அதிர குலவை போட்டு வரவேற்று பேருந்துக்கு மாலை அணிவித்து, சந்தனம், குங்குமம் இட்டு, ஆரத்தி எடுத்து நடத்துனர் மற்றும் ஓட்டுனர்களுக்கு சால்வை அணிவித்து குலவை போட்டு வரவேற்று அந்த பேருந்தில் பயணம் செய்து மகிழ்ந்தனர். பேருந்து வந்தது முதல் கிளம்பியது வரை பெண்களின் குலவை சத்தம் அப்பகுதியை சந்தோஷ கடலில் ஆழ்த்தியது தங்களின் நீண்ட நாள் கோரிக்கையை நிறைவேற்றிய அமைச்சர் ராஜ கண்ணப்பணுக்கு நன்றியை தெரிவித்துக் கொண்டனர். இந்நிகழ்ச்சியில் போக்குவரத்து கழக அதிகாரிகள், பொதுமக்கள் மற்றும் உள்ளாட்சி பிரதிநிதிகள் கலந்து கொண்டனர்