பொம்மனூத்துப்பட்டியில் பணம் வைத்து சூதாடிய மூன்று பேர் கைது. ரூபாய் 250 பறிமுதல்.

பொம்மனூத்துப்பட்டியில் பணம் வைத்து சூதாடிய மூன்று பேர் கைது. ரூபாய் 250 பறிமுதல். கரூர் மாவட்டம், வெள்ளியணை காவல் நிலைய எல்லைக்குட்பட்ட பகுதியில் பணம் வைத்து சூதாடுவதாக பெண் காவல் உதவி ஆய்வாளர் சசிகலாவுக்கு தகவல் கிடைத்தது. தகவலின் அடிப்படையில் ஜனவரி 17ஆம் தேதி மாலை 6:30 மணி அளவில், பொம்மனூத்துப்பட்டியில் ரோந்து பணியில் ஈடுபட்டார். அப்போது, அப்பகுதியில் உள்ள நாடக மேடையில் பணம் வைத்து சூதாடுவது கண்டறியப்பட்டது. இந்த சூதாட்டத்தில் ஈடுபட்ட பொம்மனுத்துபட்டி பகுதியைச் சேர்ந்த சரவணன், சக்திவேல், மற்றும் ஒரு சக்திவேல் என மூன்று பேரையும் கைது செய்து, அவர்கள் சூதாட பயன்படுத்திய 52 சூதாட்ட அட்டைகளையும், ரூ.250 பறிமுதல் செய்து மூன்று பேர் மீதும் வழக்கு பதிவு செய்தனர். பின்னர் அவர்களை காவல் நிலைய பிணையில் விடுவித்து நடவடிக்கை மேற்கொண்டனர் வெள்ளியணை காவல்துறையினர்.