விழுப்புரத்தில் ஆன்லைன் லாட்டரி விற்ற 3 பேர் கைது

விழுப்புரம் அடுத்த ராகவன்பேட்டையில்லாட்டரி சீட்டு விற்பதாக புகார் எழுந்தது. அதன்பேரில் விழுப்புரம் தாலுகா சப் இன்ஸ்பெக்டர் முரளி மற்றும் போலீசார், நேற்று ராகவன்பேட்டை பகுதியில் சோதனை மேற்கொண்டனர்.அப்போது, அதே பகுதியைச் சேர்ந்த பிரபாகரன் மனைவி இந்துமதி, 27; விழுப்புரம் சிதம்பரம் லே-அவுட் பகுதியைச் சேர்ந்த சாரங்கபாணி, 52; சிறுவந்தாடு மோட்சகுளம் கோபால்சாமி, 33; ஆகியோர், வாடகை வீடு எடுத்து, ஆன் லைன் லாட்டரி விற்பனை செய்தது தெரியவந்தது.இதனையடுத்து, இந்துமதி, சாரங்கபாணி, கோபால்சாமி ஆகிய 3 பேர் மீதும், வழக்குப் பதிந்து, அவர்களை நேற்று கைது செய்து, 2 மொபைல் போன், ஒரு பைக், லேப்டாப், ஆன் லைன் லாட்டரி சீட்டு ஆவணங்களை பறிமுதல் செய்தனர்.