பள்ளிக்குத் தேர்வு எழுதச் சென்ற பிளஸ் 1 மாணவி மாயம்

கன்னியாகுமரி மாவட்டம், திருவட்டார் அருகே செருப்பாலூர் பகுதியை சேர்ந்தவர் விஜிலா. இவரது மகள் ஜெர்ஷா.இவர் குலசேகரம் அரசு மேல்நிலைப்பள்ளியில் 11-ம் வகுப்பு படித்து வருகிறார்.நேற்று முன்தினம் பள்ளிக்கு தேர்வு எழுத செல்வதாக கூறி விட்டு ஜெர்ஷா சென்றார். ஆனால் பள்ளிக்கு சென்றவர் மாலையில் வீட்டுக்கு திரும்பி வரவில்லை.

வெகுநேரம் ஆகியும் வீட்டுக்கு வராததால், அவளுடன் படிக்கும் தோழிகள் மற்றும் உறவினர்களின் வீடுகளில் சென்று தேடி பார்த்தனர்.ஆனால் அவர் கிடைக்கவில்லை. ஆகவே தனது மகள் மாயமானது குறித்து திருவட்டார் போலீஸ் நிலையத்தில் விஜிலா புகார் செய்தார். அதன்பேரில் போலீசார் இன்று சனிக்கிழமை வழக்குப்பதிவு செய்து காணாமல் போன பள்ளி மாணவியை தேடி வருகிறார்கள்.