சேலம் தாதகாப்பட்டியில்13 கிலோ கஞ்சா கடத்திய 2 பேர் கைது

சேலம் தாதகாப்பட்டி பகுதியில் மாவட்ட போதைப்பொருள் தடுப்பு பிரிவு இன்ஸ்பெக்டர் பாபுசுரேஷ்குமார் தலைமையில் சிறப்பு சப்-இன்ஸ்பெக்டர் சரவணன் மற்றும் போலீசார் நேற்று தீவிர கண்காணிப்பில் ஈடுபட்டனர். அப்போது, அவ்வழியாக மோட்டார் சைக்கிளில் வந்த 2 பேரை பிடித்து விசாரித்தனர். அதில், கிச்சிப்பாளையத்தை சேர்ந்த சண்முகம் (வயது 39), தாதகாப்பட்டியை சேர்ந்த பூபதி (30) ஆகியோர் என்பதும், அவர்கள் கஞ்சா கடத்தியதும் தெரியவந்தது. அவர்களிடம் நடத்திய தொடர் விசாரணையில் கிருஷ்ணகிரி மாவட்டத்தில் இருந்து கஞ்சாவை வாங்கி சேலத்தில் விற்பனை செய்ய கடத்தி வந்தது தெரிந்தது. இதையடுத்து அவர்கள் 2 பேரையும் போலீசார் கைது செய்தனர். மேலும் ரூ.2 லட்சம் மதிப்புள்ள 13 கிலோ கஞ்சாவை பறிமுதல் செய்தனர். மேலும், கஞ்சா விற்பனை தொடர்பாக தலைமறைவாக உள்ள மேலும் 4 பேரை போலீசார் வலைவீசி தேடி வருகின்றனர்.