சிவகாசியில் கார் தீப்பற்றியதால் பரபரப்பு

சிவகாசி அருகே, வீட்டின் முன்பு நிறுத்தியிருந்த கார், இருசக்கர வாகனம் திடீரென்று தீப்பிடித்து எரிந்து சேதம்..... விருதுநகர் மாவட்டம், சிவகாசி - நாரணாபுரம் சாலையில் உள்ள ஓம்சேர்மா நகர் பகுதியில், ஒரு வீட்டின் முன்பு நிறுத்தியிருந்த கார் அதிகாலையில் திடீரென்று தீப்பிடித்து எரிந்தது.

இது குறித்து தகவலறிந்த சிவகாசி தீயணைப்பு நிலைய அதிகாரி வெங்கடேசன் தலைமையில், தீயணைப்பு வீரர்கள் விபத்து நடந்த இடத்திற்கு விரைந்து சென்று தீயை அணைக்கும் பணியில் ஈடுபட்டனர்.

இந்த திடீர் தீ விபத்தில் கார் மற்றும் இருசக்கர வாகனம் மற்றும் அங்கிருந்த பொருட்கள் தீயில் எரிந்து சேதமானது.தீ விபத்து குறித்து சிவகாசி கிழக்கு காவல்நிலைய போலீசார் வழக்குபதிவு செய்து விசாரணை நடத்தி வருகின்றனர்.