ராமசாமிபுரத்தில் முன்னாள் ஊர் தலைவரை தாக்கியவர் மீது வழக்கு பதிவு

விருதுநகர் பெரியவள்ளிக்குளம் பகுதியைச் சார்ந்தவர் பாலமுருகன் வயது 27 இவர் புதுப்பட்டி என்ற ராமசாமிபுறத்தின் ஊர் தலைவராக இருந்தபோது கடந்த ஒன்றரை வருடங்களுக்கு முன்பு அதை ஊரை சார்ந்த ராமர் பாண்டி என்பவர் இருசக்கர வாகனத்தை அதிவேகமாக ஓட்டி வந்து கூட்டத்தில் மோத வந்ததாகவும் அப்பொழுது அவரை ஊர் தலைவர் என்ற முறையில் பாலமுருகன் தட்டி கேட்டதாகவும் கூறப்படுகிறது.

தற்போது பாலமுருகன் ஊர் தலைவர் பதவியில் இருந்து விலகியதை அடுத்து ராமர் பாண்டி அதை மனதில் வைத்துக்கொண்டு பாலமுருகனை தாக்கி காயப்படுத்தியதாகவும் இதனால் காயமடைந்த பாலமுருகன் விருதுநகர் அரசு மருத்துவ கல்லூரி மருத்துவமனை சிகிச்சை பெற்று வரும் நிலையில் இது குறித்து உரிய நடவடிக்கை எடுக்க சூலக்கரை காவல் நிலையத்தில் புகார் அளித்துள்ளார்.

இது குறித்து சூலக்கரை வழக்கு பதிவு செய்து விசாரணை நடத்தி வருகின்றனர்