மாடு மேய்க்க சென்ற இளைஞர் கால் தவறி கிணற்றில் விழுந்து பலி.

ஆனைமலை அடுத்த வாழை கொம்பு நாகூர் பகுதியைச் சேர்ந்தவர் புவேந்திரன். புவேந்திரன் தோட்டத்தில் மாடுகள் மேய்த்துக் கொண்டிருந்தபோது மாடு ஒன்று கிணற்றின்  ஓரத்தில் செல்வதை கண்டுள்ளார். அதனை விரட்டுவதற்காக கிணற்றின் அருகே சென்ற போது புவேந்திரன் கால் இடறி கிணற்றுக்குள் விழுந்துள்ளார்.இதுகுறித்து தீயணைப்பு துறையினருக்கு தகவல் கொடுக்கப்பட்டதை அடுத்து சம்பவ இடத்திற்கு விரைந்த தீயணைப்பு துறையினர் கிணற்றுக்குள் விழுந்த புவேந்திரனை சடலமாக மீட்டனர். மேலும் பொள்ளாச்சி அரசு மருத்துவமனைக்கு பிரேத பரிசோதனைக்காக புவனேந்திரனின் உடலை அனுப்பி வைக்கப்பட்டது. இது குறித்து ஆனைமலை போலீசார் விசாரணை மேற்கொண்டு வருகின்றனர்.