மேட்டூரில் அகில பாரத இந்து மகா சபா கூட்டம்

சேலம் மாவட்டம், மேட்டூரில்அகில பாரத இந்து மகா சபா மாவட்ட செயற்குழு கூட்டம் நடைபெற்றது.மேட்டூர் அணை சதுரங்காடி காந்தி சிலைக்கு மாலை அணிவித்து மரியாதை செலுத்திய பிறகு மாவட்ட செயற்குழு கூட்டம் கூடியது. மாநில தலைவர் ஆறுமுக சாமிக்கு மலர் மாலை அணிவித்து மரியாதை செய்யப்பட்டு செயற்குழு கூட்டம் கூடியது.மேலும் கூட்டத்தில் மாநில பொதுச் செயலாளர் உதயகுமார், ஒருங்கிணைப்பாளர் ரங்கநாதன் உள்ளிட்ட ஏராளமான பேர் கலந்து கொண்டனர். மாநிலம் முழுவதும் புதிய பொறுப்பாளர்கள் அறிவிப்பு உள்ளிட்ட பல தீர்மானங்கள் கூட்டத்தில் நிறைவேற்றப்பட்டது. முன்னதாக மாநில தலைவர் ஆறுமுக சாமி கூறும் போது தமிழகத்தில் தற்போது இந்து மதம் அழிந்து கொண்டு வருகிறது என்று கூற வேண்டிய நிலை உருவாகி உள்ளது. கோயில்களில் கட்டண வசூல் ரத்து செய்ய வேண்டும். பணம் அதிகமாக கொடுப்பவர்களுக்கு முன்னாள் சென்று சுவாமி தரிசனம் செய்யும் முறைகளை கண்டிப்பதோடு அவைகளை நிறுத்த நடவடிக்கை எடுக்க வேண்டும் என்றும் இது குறித்தும் தீர்மானங்கள் கொண்டு வரப்படும் என்றும் அவர் கூறினார்.