கால்வாயில் தவறி விழுந்த முதியவர் பலி

திருமழிசை குண்டுமேடு பகுதியில் ஊத்துக்கோட்டை நெடுஞ்சாலையில் உள்ள சிறு கால்வாயில் முதியவர் உடல் மிதப்பதாக நேற்று மாலை 4:30 மணியளவில் வெள்ளவேடு போலீசாருக்கு தகவல் கிடைத்தது. போலீசார் அப்பகுதிக்கு சென்று முதியவர் உடலை மீட்டு திருவள்ளூர் அரசு மருத்துவக்கல்லுாரி மருத்துவமனைக்கு அனுப்பி வைத்தனர். இதுகுறித்து வழக்கு பதிந்து நடத்திய விசாரணையில் இறந்து கிடந்த முதியவர் திருமழிசை குண்டுமேடு பகுதியைச் சேர்ந்த தனசேகர், 50 என்பதும். இவர் குடிபோதையில் தவறி விழுந்ததில் பலியானதாக போலீசார் தெரிவித்தனர்.