இலக்கியம்பட்டி அரசு பள்ளியில் ஆண்டு விழா

தர்மபுரி மாவட்டத்தில் தற்போது பல்வேறு அரசு பள்ளிகளில் ஆண்டு விழா கொண்டாடப்பட்டு வருகின்றது இந்த நிலையில், தர்மபுரி சட்டமன்ற தொகுதிக்கு உட்பட்ட இலக்கியம்பட்டி அரசு பெண்கள் மேல்நிலைப்பள்ளியில்  ஆண்டு விழா விமரிசையாக நடைபெற்றது. இந்த ஆண்டு விழாவிற்கு பாப்பிரெட்டிப்பட்டி சட்டமன்ற உறுப்பினர் கோவிந்தசாமி  சிறப்பு விருந்தினராக கலந்து கலந்துகொண்டு குத்து விளக்கு ஏற்றி வைத்து விழாவினை தொடங்கி வைத்தார். பின்னர் பள்ளி மாணவிகள் கண்கவர் கலை நிகழ்ச்சிகள் நடத்தினர் இந்த நிகழ்ச்சிக்கான ஏற்பாடுகளை பள்ளியின் தலைமை ஆசிரியர் மற்றும் ஆசிரியர்கள் செய்திருந்தனர் மாணவிகளின் பெற்றோர்கள் மற்றும் சுற்று வட்டார ஏராளமானோர் இந்த ஆண்டு விழாவை கண்டு களித்தனர்.