நாடக மேடை அமைக்கும் பணிக்கான பூமி பூஜை விழா

கீழ மேட்டுப்பட்டியில் நாடக மேடை அமைக்கும் பணிக்கான பூமி பூஜை எம.எல்.ஏ. பங்கேற்பு. கரூர் மாவட்டம், கடவூர் தாலுக்கா, ஆதனூர் ஊராட்சி, கீழ மேட்டுப்பட்டி, ஆதி திராவிடர் காலனி பகுதியில் உள்ள மாரியம்மன் கோவில் முன்பு, நாடக மேடை அமைப்பதற்கான பூமி பூஜை இன்று கிருஷ்ணராயபுரம் எம்எல்ஏ சிவகாமசுந்தரி தலைமையில் நடைபெற்றது. கிருஷ்ணராயபுரம் சட்டமன்ற தொகுதி மேம்பாட்டு நிதியிலிருந்து ரூபாய் 8 லட்சத்து 50 ஆயிரம் மதிப்பில், கட்டப்படும் நாடக மேடைக்கான பூமி பூஜையில் பங்கேற்று, அதற்கான பணிகளை துவக்கி வைத்தார் கிருஷ்ணராயபுரம் எம்எல்ஏ சிவகாமசுந்தரி. இந்த நிகழ்ச்சியில் கடவூர் தெற்கு ஒன்றிய திமுக செயலாளர் சுதாகர், ஆதனூர் ஊராட்சி மன்ற தலைவர் நந்தினி, வட்டார வளர்ச்சி அலுவலர் ராஜேந்திரன், உள்ளாட்சி பிரதிநிதிகள், ஊர் பொதுமக்கள் என ஏராளமானோர் கலந்து கொண்டு, பூமி பூஜை விழாவை சிறப்பித்தனர்.