பைக்- லாரி நேருக்கு நேர் மோதல்: இளைஞர் உயிரிழப்பு

கரூர் மாவட்டம், கடவூர் தாலுகா, தென்னிலை, கீழசக்கரக்கோட்டை பகுதியைச் சேர்ந்தவர் கந்தசாமி மகன் விஜயகுமார் வயது 29. இவரது மனைவி தீபிகா வயது 21. விஜயகுமார் ஏப்ரல் 24ஆம் தேதி மாலை 6 மணி அளவில், கரூரிலிருந்து மணப்பாறை செல்லும் சாலையில் அவரது டூவீலரில் சென்று கொண்டிருந்தார்.

இவரது வாகனம் செல்லாண்டிபுரம் பகுதியில் உள்ள ரமேஷ் வீடு அருகே சென்றபோது, எதிர் திசையில் TN 50 AB 4888 என்ற எண் கொண்ட லாரி வேகமாக வந்து, விஜயகுமார் ஓட்டிய டூவீலர் மீது, நேருக்கு நேர் மோதி விபத்து ஏற்பட்டது. இந்த விபத்தில் விஜயகுமாருக்கு தலை மற்றும் வலது காலில் பலத்த காயம் ஏற்பட்டதால், உடனடியாக அவரை மீட்டு கரூர் அரசு மருத்துவக் கல்லூரி மருத்துவமனைக்கு கொண்டு செல்லும் வழியில் உயிரிழந்தார்.

இந்த சம்பவம் அறிந்த விஜயகுமாரின் மனைவி தீபிகா அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், உயிரிழந்த விஜயகுமாரின் உடலை உடற்கூறு ஆய்வுக்காக கரூர் அரசு மருத்துவக் கல்லூரி மருத்துவமனை சவக்கிடங்குக்கு அனுப்பி வைத்து, இது தொடர்பாக வேகமாக லாரியை ஓட்டி விபத்து ஏற்பட காரணமான லாரி டிரைவர் மீது வழக்கு பதிவு செய்துள்ளனர் மாயனூர் காவல்துறையினர்.