வீட்டில் பூட்டை உடைத்து திருட்டு!

தூத்துக்குடி ஸ்பிக் நகர் அருகே உள்ள சுந்தரம் நகரை சேர்ந்தவர் பிரேம்குமார் (64). கான்ட்ராக்ட் தொழில் செய்து வருகிறார். இவருடைய மனைவி எபினேசர் ஏஞ்சலின். கடந்த 2 நாட்களுக்கு முன்பு வெளியூருக்கு சென்றுள்ளனர். மீண்டும் நேற்று காலை வீட்டிற்கு வந்த போது, அவரது வீட்டின் பூட்டு உடைக்கப்பட்டு கிடந்ததது. இதையடுத்து அவர் வீட்டினுள் சென்று பார்த்த போது வீட்டின் பீரோ திறக்கப்பட்டு அங்கு இருந்த பணம் 7,500 ரூபாய் திருடப்பட்டு இருப்பது தெரிய வந்தது. இதுகுறித்து அவர் முத்தையாபுரம் போலீசில் புகார் தெரிவித்தார். புகாரின் பேரில் இன்ஸ்பெக்டர் செந்தில் வேல்குமார் விசாரணை நடத்தி வருகிறார்.