சிவகாசி அய்யநாடார் கல்லூரி நாள் விழா கொண்டாட்டம்

சிவகாசி அய்ய நாடார் ஜானகி அம்மாள் கல்லூரி 61-வது கல்லூரிநாள் விழா... விருதுநகர் மாவட்டம், சிவகாசி,அய்ய நாடார் ஜானகி அம்மாள் கல்லூரி 61-ஆவது கல்லூரிநாள் விழா மற்றும் நிறுவனர்கள் நாள் விழா கல்லூரிக் கலையரங்கில் நடைபெற்றது.

கல்லூரிச்செயலர் அய்யன்கோடீஸ்வரன் தலைமை வகித்தார்.கல்லூரித் தாளாளர் அபிரூபன் வரவேற்புரை ஆற்றினார்.கல்லூரி முதல்வர் அசோக் ஆண்டறிக்கை வாசித்தார்.சிறப்பு விருந்தினராக மதுரை காமராசர் பல்கலைக்கழகத்தின் துணைவேந்தர் குமார் கலந்து கொண்டு பேசினார்.ஒவ்வொரு பாடப்பிரிவிலும் முதலிடம் இடம் மற்றும் இரண்டாம் இடம் பெற்ற மாணவ,மாணவிகளுக்கு சான்றிதழ்கள் வழங்கினார்.

விளையாட்டு மற்றும் தேசிய மாணவர் படையில் சிறந்து விளங்கிய மாணவர்களுக்கு நினைவுப்பரிசு மற்றும் சான்றிதழ்கள் வழங்கினார். மேலும்,பல்வேறு விருதுகளைப் பெற்ற மற்றும் ஆய்வுச் செயல்பாடுகளில் சிறந்து விளங்கிய பேராசிரியர்களுக்குக் கல்லூரி நிர்வாகத்தின் சார்பில் வழங்கப்பட்ட ஊக்கத் தொகையினையும், சான்றிதழ்களையும் வழங்கினார்.தொடர்ந்து கல்லூரி மாணவ, மாணவிகளின் கலை நிகழ்ச்சிகள் நடைபெற்றன. மாணவி ஆர்த்தி நன்றி கூறினார்.

கல்லூரி நிர்வாகக் குழு உறுப்பினர் அதிபதி,அய்ய நாடார் ஜானகி அம்மாள் குடும்பத்தினர்,பணிநிறைவு பெற்ற முதல்வர்கள், பேராசிரியர்கள்,ஆசிரியரல்லாப் பணியாளர்கள்,பெற்றோர்கள் மற்றும் ஏராளமான மாணவ, மாணவிகள் கலந்து கொண்டனர்.