வட்டார அளவிலான வானவில் மன்ற செயல்பாட்டு போட்டிகள்

திருவண்ணாமலை மாவட்டம், வந்தவாசியில் வட்டார அளவிலான வானவில் மன்ற போட்டிகள் ஆர்சிஎம் உயர்நிலைப் பள்ளியில் நடைபெற்றது. மாணவர்கள் தாங்கள் கொண்டு வந்த எளிய உபகரணங்களின் செயல்பாடுகளை பற்றி விளக்கினார்கள். போட்டிகளின் முடிவில் வானவில் மன்ற இரண்டாம் ஆண்டு துவக்க விழா நடைபெற்றது. வானவில் மன்ற கருத்தாளர்கள் தினேஷ்குமார், நிவேதிதா, வானவில் மன்ற மாவட்ட பொறுப்பாளர் முருகன், வந்தவாசி வட்டார அறிவியல் பட்டதாரி ஆசிரியர்கள் விஜயராஜன், ரகுபாரதி, ஆர்சிஎம் பள்ளி தலைமை ஆசிரியர் வி.எல். ராஜன், ஸ்ரீகிருஷ்ணா கல்வி மைய முதல்வர் பா. சீனிவாசன் உள்ளிட்டோர் பங்கேற்று கருத்துரைகளை வழங்கினர்.