விபத்தில் சிக்கிய திமுக நிர்வாகி - உதவிக்கரம் நீட்டிய எம்.எல்.ஏ

தி.மு.க. இளைஞரணி 2 வது மாநில மாநாடு சேலத்தில் நடந்தது. இந்த மாநாட்டில் கலந்துகொள்ள திருப்பூர் மாவட்டத்தில் இருந்து ஏராளமானவர்கள் சென்றிருந்தனர். இதில் திருப்பூர் வடக்கு மாவட்டம் குத்தூஸ்புரம் அண்ணநகரை சேர்ந்த இளைஞர் அணி நிர்வாகி ராஜா அழகர் (32) நிர்வாகிகளுடன் சென்றார். இதன் பின்னர் மாநாடு முடிந்து திருப்பூருக்கு திரும்பு-ம் போது, எதிர்பாராதவிதமாக விபத்தில் சிக்கினார். இது குறித்து திருப்பூர் வடக்கு மாவட்ட செயலாளர், செல்வராஜ் எம்.எல்.ஏவுக்கு தகவல் தெரியவந்தது. இதனைத்தொடர்ந்து செல்வராஜ் எம்.எல்.ஏ. தனது சொந்த செலவில் திருப்பூரில் உள்ள தனியார் மருத்துவமனையில் சிகிச்சை அளிக்க ஏற்பாடு செய்தார். இதன் பின்னர் காயமடைந்த ராஜா அழகர் அங்கு சிகிச்சை பெற்று வருகிறார். மேலும், காயமடைந்த ராஜா அழகரை செல்வராஜ் எம்.எல்.ஏ-. சந்தித்து ஆறுதல் கூறினார்.