திருச்செங்கோட்டில் நாளை விவசாயிகள் குறைதீர் கூட்டம்

திருச்செங்கோடு கோட்டத்தில் உள்ள திருச்செங்கோடு, குமாரபாளையம் மற்றும் பரமத்திவேலூர் ஆகிய அனைத்து பகுதி விவசாயிகளும் பயன்பெறும் வகையில் நாளை காலை 10.30 மணிக்கு, வருவாய் கோட்ட அளவிலான விவசாயிகள் குறைதீர் கூட்டம் நடக்கிறது.ஒருங்கிணைந்த வேளாண்மை விரிவாக்க மைய அலுவலக கூட்ட அரங்கில், ஆர்டிஓ தலைமையில் நடைபெறும் கூட்டத்தில், விவசாயிகள், விவசாய சங்க பிரதிநிதிகள், தங்களது பயிர் சாகுபடிக்கு தேவையான நவீன தொழில்நுட்பங்கள், வேளாண் இடுபொருள் இருப்பு விவரங்கள், வேளாண்மை உழவர் நலத்துறை மற்றும் இதர துறைகளில் செயல்படுத்தப்ப டும் மானிய திட்டங்கள் குறித்து அறிந்து கொள்வதுடன், தங்களது கோரிக்கைகளையும் மனுக்களாக அளிக்கலாம் என வருவாய் கோட்டாட்சியர் சுகந்தி தெரிவித்துள்ளார்.