சிவகாசி அருகே அச்சக குடோனில் தீ விபத்து.போலீசார் விசாரணை

விருதுநகர் மாவட்டம், சிவகாசி பேருந்து நிலையம் அருகே உள்ள திலகவதி என்பவருக்கு சொந்தமான அச்சக நிறுவன குடோனில் மின் கசிவு காரணமாக ஏற்பட்ட தீ விபத்தில் பல லட்சம் மதிப்பு பொருட்கள் தீயில் கருகியங் சிவகாசியைச் சேர்ந்த திலகவதி என்பவருக்கு சொந்தமான NRK ஆப்செட் பிரிண்டர்ஸ் நிறுவன குடோன் பேருந்து நிலையம் அருகே சாத்தூர் சாலையில் இயங்கி வருகிறது.

இந்த நிறுவனத்தில் வழக்கம்போல் பிரிண்டிங் பணிகள் நடைபெற்றுக் கொண்டிருந்தது.வேஸ்ட் பேப்பர் போடும் குடோனில் மின்கசிவு காரணமாக கட்டிங் பேப்பர் வைத்திருந்த அறையில் திடீரென தீ விபத்து ஏற்பட்டது. உடனடியாக தொழிலாளர்கள் அனைவரும் வெளியேறினர்.சிவகாசி தீயணைப்பு நிலையத்திற்கு தகவல் தெரிவிக்கப்பட்டன.பின்னர் சம்பவ இடத்திற்கு வந்த தீயணைப்புத் துறையினர் சுமார் ஒரு மணி நேரம் போராடி தீயை அணைத்தனர்.

இந்த விபத்தில் பல லட்சம் ரூபாய் மதிப்பிலான பேப்பர்கள் மற்றும் இயந்திரங்கள் சேதமடைந்து இருக்கலாம் என போலீசார் தெரிவித்தனர்.மேலும் இச்சம்பவம் குறித்து சிவகாசி நகர் காவல் நிலைய போலீஸார் விசாரணை நடத்தி வருகின்றனர்.