அரசு கல்லூரியில் முதலாமாண்டு விளையாட்டு விழா

அருள்மிகு அர்த்தநாரீஸ்வரர் கலை அறிவியல் கல்லூரியில் முதலாம் ஆண்டு விளையாட்டு விழா நடைபெற்றது. இந்நிகழ்வின் சிறப்பு விருந்தினர்களாக இக்கல்லூரியின் ஆலோசனைக் குழு உறுப்பினரும் சென்னை,சேது பாஸ்கரா கல்விக் குழுமங்களில் தலைவருமாகிய முனைவர் சேது குமணன் முன்னாள் சர்வதேச கைப்பந்து வீரரும் சென்னை, இந்தியன் ஓவர்சீஸ் வங்கியின் மேலாளருமாகிய ஜே. நடராஜன் கலந்து கொண்டு விளையாட்டுப் போட்டிகளில் வெற்றி பெற்ற மாணவ மாணவியர்களுக்கு பரிசுகளை வழங்கினர்.

இந்நிகழ்விற்கு அருள்மிகு அர்த்தநாரீசுவரர் திருக்கோயிலின் உதவி ஆணையரும் இக்கல்லூரியின் செயலருமாகிய மு. இரமணிகாந்தன் தலைமை வகித்தார். வரவேற்புரையை கல்லூரியின் முதல்வர் முனைவர் கி. வெங்கடாசலம் வழங்கினார். 2023-2024 கல்வி ஆண்டுக்கான கல்லூரியின் சாதனைகள் மற்றும் விளையாட்டு பங்கேற்பு அடங்கிய ஆண்டு அறிக்கையை உடற்கல்வி இயக்குனர் முனைவர் ந.செந்தில்குமார் அவர்கள் வாசித்தார். நன்றி உரையை கணினி பயன்பாட்டியல் துறைத்தலைவர் முனைவர் செ.பிரேமா அவர்கள் வழங்கினார்.