இடுவம்பாளையத்தில் நாட்டுப்புற கலைத் திருவிழா.

 தமிழ்நாடு பாரம்பரிய பண்பாட்டு கலைகள் மற்றும் கலைஞர்களின் அமைப்புகளின் கூட்டமைப்பு, சிந்து கலைக்குழு ஆகிய சார்பில் திருப்பூர் இடுவம்பாளையத்தில் உள்ள மண்டபத்தில் நாட்டுப்புற கலைத் திருவிழா நேற்று நடந்தது. இதில் மாவட்டத்தின் பல்வேறு பகுதிகளில் இருந்து பல்வேறு அமைப்புகளை சேர்ந்த குழுவினர் மற்றும் நாட்டுப்புற கலைஞர்கள் கலந்து கொண்டனர். தப்பாட்டம், நடனம் மற்றும் சாமி வேடம் அணிந்து நாட்டுப்புற கலை நிகழ்ச்சிகளை குழுவினர் நிகழ்த்தினர். இதனை ஏராளமான பொதுமக்கள் கண்டுகளித்தனர். இதில் சிந்து கலைக்குழு தலைவர் சுப்பிரமணியம், ஒருங்கிணைப்பாளர் இளங்கோ, கலா ராணி, சச்சிதானந்தகுமார் மற்றும் பலர் கலந்து கொண்டனர்.