நல்லம்பள்ளியில் கொட்டி தீர்க்கும் கனமழை

தர்மபுரி மாவட்டம் மற்றும் அதன் சுற்றுவட்டார பகுதிகளில் கடந்த சில தினங்களாக வெப்பச் சலனம் காரணமாக கோடை மழை பொழிந்து வருகிறது. இந்த நிலையில் நல்லம்பள்ளி வட்டத்துக்கு உட்பட்ட கோவிலூர், நார்த்தம்பட்டி, பூதனஹள்ளி, லளிகம், ஓட்டப்பட்டி,பாளையம்புதூர், உள்ளிட்ட பகுதிகளில்  இன்று அதிகாலை முதல் கன மழை கொட்டி தீர்த்து வருகிறது இதனால் ஒரே நாளில் வெப்பம் தணிந்து ஊட்டி போல் மாறி குளிர்ச்சி நிலவுவதால் பொதுமக்கள் மகிழ்ச்சி அடைந்துள்ளனர். கன மழை காரணமாக பல்வேறு இடங்களில் அறிவிக்கப்படாத மின்வெட்டு அமலில் இருந்து வருவது குறிப்பிடத்தக்கது.