தென்தாமரை குளம் அருகே வீட்டை உடைத்து நகை திருட்டு

கன்னியாகுமரி மாவட்டம், தென்தாமரைகுளம் அருகே உள்ள இலந்தையடி விளையை சேர்ந்தவர் தயா ஷாலோம் (37).  இவர் தனது குடும்பத்துடன் கடந்த ஒன்றாம் தேதி மாலை அசாம் மாநிலத்துக்கு  சுற்றுலா செல்வதற்காக பூட்டை வீட்டை பூட்டி விட்டு சென்றுள்ளார். பின்னர் கடந்த 11- ஆம் தேதி தயா ஷாலோமின் மாமியார்  மாலை வீட்டை சென்று பார்த்த போது வீட்டின் கதவுகள் பூட்டிய நிலையில் இருந்துள்ளது.      

அதன் பின்னர் தயா ஷாலோம் சுற்றுலாவை முடித்துவிட்டு 15ஆம் தேதி வந்து பார்த்தபோது மாடியில் உள்ள வெளிப்பக்க கதவும், வீட்டின் உள்பக்க கதவும் உடைக்கப்பட்டு திறந்து கிடந்துள்ளது. பீரோக்கள் உடைக்கப்பட்டு அதிலிருந்து 1. 80 லட்சம் மதிப்புள்ள 6 சவரன் தங்க நகைகள் திருட்டு போயிருந்தது.      

இது குறித்து தென்தாமரை குளம் போலீசாரிடம் தயா ஷாலோம் புகார் அளித்தார். போலீசார் சம்பவ இடத்தை பார்வையிட்டு ஆய்வு செய்தனர். கைரேகை நிபுணர்களும் ஆய்வு செய்தனர். இது தொடர்பாக போலீசார் வழக்கு பதிவு செய்து நகையை திருடி சென்ற மர்ம நபர்களை தேடி வருகின்றனர்.