அண்ணா தொழிற்சங்க ஆட்டோ ஓட்டுனர் பிரிவு சார்பில் நீர்மோர் பந்தல் திறப்பு

சேலம் மாநகர் மாவட்ட அ.தி.மு.க. அண்ணா தொழிற்சங்கம் ஆட்டோ ஓட்டுனர் பிரிவு சார்பில் சேலம் 5 ரோடு அருகில் ஸ்டேட் பேங்க் காலனி ரவுண்டானா பகுதியில் நீர்மோர் பந்தல் நேற்று அமைக்கப்பட்டது. இதன் திறப்பு விழாவுக்கு மாநகர் மாவட்ட அண்ணா தொழிற்சங்க செயலாளர் சுந்தரபாண்டியன் முன்னிலை வகித்தார்.

மாநகர் மாவட்ட அ.தி.மு.க. செயலாளர் ஜி.வெங்கடாஜலம் கலந்து கொண்டு பொதுமக்களுக்கு நீர்மோர், தர்பூசணி ஆகியவை வழங்கி நீர்மோர் பந்தலை திறந்து வைத்தார். நிகழ்ச்சியில் முன்னாள் எம்.எல்.ஏ. எம்.கே.செல்வராஜ், ரவிச்சந்திரன், மாவட்ட அண்ணா தொழிற்சங்க துணை செயலாளர் ஷபி, சூரமங்கலம் பகுதி செயலாளர் பாலு, அண்ணா தொழிற்சங்க ஆட்டோ ஓட்டுனர் பிரிவு தலைவர் மணி, செயலாளர் சாதிக் பாட்ஷா, பொருளாளர் பாபு, துணைத் தலைவர் ரங்கநாதன் உள்பட பலர் கலந்து கொண்டனர்.