மாணவிகளுக்கு விழிப்புணர்வு விளையாட்டு அட்டை அறிமுகம்

தேசிய பெண் குழந்தைகள் தினத்தினை முன்னிட்டு பெண் குழந்தைகளை காப்போம், பெண் குழந்தைகளை கற்பிப்போம் திட்டத்தின் மூலம் ஈரோடு மாவட்டத்தில் பிரத்யேகமாக தயாரிக்கப்பட்ட "பொம்மி என் வாழ்க்கை என் கையில் என்ற விழிப்புணர்வு விளையாட்டு அட்டைகளை பள்ளி மாணவியர்களுக்கு, மாவட்ட ஆட்சித்தலைவர் ராஜ கோபால் சுன்கரா வழங்கினார். இளம் வயதில் கருத்தரித்தல் மூலம் ஏற்படும் பின்விளைவுகள் பற்றியும் மற்றும் இளம் வயதில் வாழ்வில் தமக்கு கிடைக்க வேண்டிய நல்வாய்ப்புகளை பெண் குழந்தைகள் இழக்க நேரிடும் என்பது தொடர்பாக பள்ளி மாணவியர்களிடம் விழிப்புணர்வு ஏற்படுத்தும் வகையில் ஈரோடு மாவட்டத்தில் பிரத்யேகமாக தயாரிக்கப்பட்ட பொம்மி என் வாழ்க்கை என் கையில் "என்கின்ற வேடிக்கையான விழிப்புணர்வு விளையாட்டு அட்டைகளை மாவட்ட ஆட்சித்தலைவர் அறிமுகம் செய்துவைத்து பள்ளி மாணவியர்களுக்கு விழிப்புணர்வு விளையாட்டு அட்டைகள் அடங்கிய பெட்டகத்தினையும் வழங்கினார்