கார்த்திகை சோமவாரம் - சோழிஸ்வரர் கோவிலில் 108 சங்காபிஷேகம்

புதுக்கோட்டை மாவட்டம் பொன்னமராவதி ஆவுடையநாயகி சமேத ராஜராஜ சோழீஸ்வரர் கோயிலில் கார்த்திகை சோமவாரத்தையொட்டி 108 சங்காபிஷேக விழா திங்கள்கிழமை நடைபெற்றது.விழாவின் தொடக்கமாக சிறப்பு யாகபூஜைகள் நடைபெற்றது. தொடர்ந்து 108 சங்குகளில் நிரப்பப்பட்ட புனித நீரால் சோழீஸ்வரருக்கு சிறப்பு அபிஷேகங்கள் செய்யப்பட்டு சிறப்பு வழிபாடு நடைபெற்றது. விழாவில் சுற்றுவட்டார பகுதிகளைச் சார்ந்த திரளான பொதுமக்கள் பங்கேற்று வழிபட்டனர்.இதேபோல், புதுப்பட்டி புவனேஸ்வரி உடனாய் பூலோகநாதர் கோயில், வேந்தன்பட்டி நெய்நந்தீஸ்வரர் கோயில், திருக்களம்பூர் கதலிவனேஸ்வரர் கோயில் உள்ளிட்ட கோயில்களில் நடைபெற்ற சங்காபிஷேக விழாவில் திரளான பக்தர்கள் பங்கேற்று வழிபட்டனர்.