முள்ளிபுரத்தில் லாரி மோதி தொழிலாளி பலி

திருப்பூர் காங்கேயம் தாலுக்கா பரஞ்சேர்வழி ஊராட்சி காந்தி நகரை சேர்ந்தவர் முருகேசன் வயது 40 கூலித்தொழிலாளி ஆவார். இவர் நேற்று முன்தினம் இரவு காங்கேயம் ஈரோடு சாலையில் முள்ளிப்புரம் பகுதியில் நடந்து சென்றுள்ளார். அப்போது கேரள மாநிலம் மூணாரை சேர்ந்த சுப்ரமணியம் 45 என்பவர் ஓட்டி வந்த லாரி முருகேசன் மீது மோதியது. இந்த விபத்தில் பலத்த காயமடைந்த முருகேசனை அருகில் இருந்தவர்கள் மீட்டு காங்கேயம் அரசு மருத்துவமனை கொண்டு சென்று சேர்த்துள்ளனர். அங்கு முருகேசனை பரிசோதனை செய்த மருத்துவர்கள் அவர் வரும் வழியில் ஏற்கனவே இறந்து விட்டதாக தெரிவித்துள்ளனர். இந்த விபத்து குறித்து காங்கேயம் காவல்துறையினர் வழக்கு பதிவு செய்து விசாரணை நடத்தி வருகின்றனர்.