விபத்தில் திருமண புரோக்கர் சாவு
சேலம் மாவட்டம், நத்தக்கரை அருகே சைக்கிளில் சென்று கொண்டிருந்த கல்யாண புரோக்கர் மீது அடையாளம் தெரியாத வாகனம் மோதியதால் பலியான சம்பவம் சோகத்தை ஏற்படுத்தியுள்ளது.
Update: 2024-04-17 10:20 GMT
சேலம் மாவட்டம், ஆத்தூர் புதுப்பேட்டை செல்வவிநாயகர் தெருவை சேர்ந்தவர் சுப்பிரமணி (வயது 65), திருமண புரோக்கர். இவர் சின்னசேலத்திற்கு மோட்டார் சைக்கிளில் சென்று விட்டு தலைவாசல் அருகே நத்தக்கரை வழியாக வந்து கொண்டிருந்தார். அப்போது அந்த வழியாக வந்த அடையாளம் தெரியாத வாகனம் அவர் மீது மோதியது. இந்த விபத்தில் படுகாயம் அடைந்த அவரை, அக்கம்பக்கத்தினர் மீட்டு ஆத்தூர் அரசு ஆஸ்பத்திரிக்கு சிகிச்சைக்காக அனுப்பி வைத்தனர்.
பின்னர் அவர் மேல் சிகிச்சைக்காக சேலம் அரசு ஆஸ்பத்திரியில் சேர்க்கப்பட்டார். அங்கு அவருக்கு தீவிர சிகிச்சை அளிக்கப்பட்டது. இதனிடையே நேற்று சிகிச்சை பலனின்றி சுப்பிரமணி பரிதாபமாக இறந்தார். இந்த விபத்து குறித்து தலைவாசல் போலீசார் வழக்குப்பதிவு செய்து விசாரணை நடத்தி வருகின்றனர்.]