கரூரில் புதிய சர்வதேச ஸ்கேட்டிங் மையம் திறப்பு

கரூர் மாவட்டம், வேலாயுதம்பாளையம் காவல் நிலையம் எதிரில் புதிதாக, கரூர் மாவட்டத்தில் முதன்முறையாக சர்வதேச ஸ்கேட்டிங் மைதானம் இன்று துவக்கப்பட்டுள்ளது. இந்த புதிய ஸ்கேட்டிங் மைதானத்தை புகலூர் நகராட்சி தலைவர் குணசேகர் திறந்து வைத்து ஸ்கேட்டிங் பயிற்சி மையத்தை துவக்கி வைத்தார். 200 மீட்டர் பயிற்சி மையமாக அமைக்கப்பட்டுள்ள இந்த மைதானம், கரூர் மாவட்டத்தில் முதன்முறையாக சர்வதேச ஸ்கேட்டிங் மைதானமாக அமைக்கப்பட்டுள்ளது என்பது குறிப்பிடத்தக்கது. இதற்கான ஏற்பாடுகளை பயிற்சி மைய பயிற்சியாளர் புகழேந்தி ஏற்பாடு செய்துள்ளார். இந்த நிகழ்ச்சியில் பங்கேற்ற மாணவ- மாணவிகள் அவர்தம் பெற்றோர்கள், ஊர் முக்கியஸ்தர்கள் என ஏராளமான கலந்து கொண்டு பயிற்சி மைய திறப்பு விழாவில் கலந்து கொண்டு சிறப்பித்தனர்.