பாலத்தின் மீது இருசக்கர வாகன மோதி விபத்தில் ஒருவர் பலி

மதுரை சிலைமான் பகுதியைச் சார்ந்தவர் முரளி கண்ணன் வயது ௩௬. இவர் தனது இருசக்கர வாகனத்தில் விளாத்திகுளத்தில் உள்ள குலதெய்வ கோயிலுக்கு சென்று விட்டு தனது அண்ணனான ஆறுமுகப்பெருமாளுடன் மதுரை நோக்கி சென்று கொண்டிருந்த பொழுது இவர்கள் சென்ற இருசக்கர வாகனம் சாத்தூர் சாலையில் உள்ள டோல்கேட் முன்பாக உள்ள பாலத்தின் மீது மோதி விபத்து ஏற்பட்டது. இந்த விபத்தில் முரளி கண்ணன் சம்பவ இடத்திலேயே உயிரிழந்த நிலையில் ஆறுமுகப்பெருமாள் காயமடைந்தார். இந்த விபத்து குறித்து வச்சக்காரப்பட்டி காவல் நிலைய போலீசார் வழக்கு பதிவு செய்து விசாரணை நடத்தி வருகின்றனர்.