முன்விரோத தகராறு ஒருவர் கைது

கச்சிராயபாளையம் அடுத்த மாதவச்சேரியைச் சேர்ந்தவர் கண்ணன், 56; இவரது அண்ணன் மகன் அண்ணாமலை, 38; இருவருக்கும் பொது நகை மற்றும் பணம் தொடர்பாக முன் விரோதம் இருந்து வந்தது. கடந்த 19ம் தேதி இரவு கண்ணன் நடந்து சென்ற போது, அண்ணாமலை அவரது தாய் நல்லம்மாளுடன் சேர்ந்து கத்தியால் குத்தினார். கண்ணன் படுகாயமடைந்தார். இது குறித்த புகாரின் பேரில் அண்ணாமலை, நல்லம்மாள் ஆகியோர் மீது வழக்குப் பதிந்து கச்சிராயபாளையம் போலீசார், அண்ணாமலையை கைது செய்தனர்.