பழனி தைப்பூச விழா ஜன.19ல் துவக்கம்
புகழ்பெற்ற பழனி முருகன் கோவில் தைப்பூச தேர் திருவிழா வரும் ஜன.19 ஆம் தேதி துவங்குகிறது.
Update: 2024-01-08 01:04 GMT
பழனி மலை
பழநி முருகன் கோயில் தைப்பூசத் திருவிழா ஜன. 19ல் கிழக்கு ரத வீதி பெரியநாயகி அம்மன் கோயிலில்கொடியேற்றத்துடன் துவங்குகிறது. விழா நாட்களில் தங்க குதிரை உள்ளிட்ட பல்வேறு வாகனங்களில் சுவாமி புறப்பாடு நடக்கிறது. முக்கிய நிகழ்ச்சியான வள்ளி,தெய்வ நாயகி அம்மன் சமேத முத்துக்குமார சுவாமி திருக்கல்யாணம் ஜன.24 இரவு 7:00 மணிக்கு நடக்கிறது.இரவு 9:00 மணிக்கு வெள்ளி ரதத்தில் சுவாமி புறப்பாடு, ஏழாம் நாளான ஜன. 25 மாலை 4:30 மணிக்கு தேரோட்டம், ஜன.28 இரவு 7:00 மணிக்கு தெப்பத்தேரோட்டம் நடக்கிறது.