பெருமாள்புரம் படிப்பகத்தில் பொங்கல் விழா

குமரி மாவட்டம் பெருமாள்புரம் ஸ்ரீதாஸ் நினைவு படிப்பகம் சார்பில்  பொங்கல் விழா நிகழ்ச்சிகள் 3 நாட்கள் நடைபெற்றன. நிறைவு நாளான நேற்று (17.1.2024) இரவு பரிசளிப்பு நிகழ்ச்சி நடைபெற்றது. இவ்விழாவுக்கு ஊர்த்தலைவர், ஓய்வு பெற்ற காவல்துறை உதவி ஆய்வாளர் சுடலைமணி தலைமை வகித்தார். ஏ.கண்ணன் இறை வணக்கம் பாடினார். ஊர் ஆலோசனைக்குழு உறுப்பினர் பி.தங்கவேல் வரவேற்றார். ஊர் நிர்வாகிகள் அருள்குமார், சபரி ஆகியோர் முன்னிலை வகித்தனர். ஊர் செயலாளர் சந்திரகுமார் மற்றும் கண்ணப்பன், ஓய்வு பெற்ற காவல் ஆய்வாளர்கள் சகாதேவன், ராதாகிருஷ்ணன், நாதன், பிரதீபன், முன்னாள் கவுன்சிலர் ராமகிருஷ்ணன்  ஆகியோர் வாழ்த்துரை வழங்கினர். இவ்விழாவில் சிறப்பு விருந்தினராக கன்னியாகுமரி காவல்துறை உதவி ஆய்வாளர் சுந்தரமூர்த்தி கலந்து கொண்டு, பல்வேறு போட்டிகளில் வென்றவர்களுக்கு  பரிசுகளை வழங்கினார். அஜய்சிங் நன்றி கூறினார்.