நல்லம்பள்ளியில் மின் நிறுத்தம்: பொதுமக்கள் அவதி

தர்மபுரி மாவட்டம் நல்லம்பள்ளி வட்டம் அதியமான் கோட்டை துணை மின் நிலையத்திற்கு உட்பட்ட நல்லம்பள்ளி உதவி மின் பொறியாளர் அலுவலகத்தின் கீழ் உள்ள அரசு மேல்நிலைப்பள்ளி அருகே உள்ள மின்மாற்றி நேற்று நள்ளிரவு எரிந்து சேதம் அடைந்துள்ளது.

இதனால் நல்லம்பள்ளி மற்றும் அதன் சுற்றுவட்டார பகுதிகளில் நேற்று நள்ளிரவு முதல் மின்நிறுத்தம் ஏற்பட்டுள்ளது. காலை 9 மணி வரை மின்சாரம் வழங்கப்படாத நிலையில் பொதுமக்கள் அளித்த புகாரியின் அடிப்படையில் மின்சார ஊழியர்கள் தற்போது மின்மாற்றி சரி செய்யும் பணியில் தீவிரமாக ஈடுபட்டுள்ளனர்.

திடீரென ஏற்பட்ட மின் நிறுத்தத்தின் காரணமாக பொதுமக்களின் அத்தியாவசிய பணிகள் பாதிப்படைந்துள்ளது.