வெற்றிலை வார சந்தையில் வரத்து அதிகரிப்பால் விலை சரிவு

கடத்தூர் பகுதியில் வாராந்தோறும் ஞாயிற்றுக்கிழமைகளில் வெற்றிலை வாரச்சந்தை நடைபெறுகிறது. நேற்று நடந்த சந்தையில் சுற்றுவட்டார கிராமத்தை சேர்ந்த விவசாயிகள், தாங்கள் விளைவித்த வெற்றிலையை விற்பனைக்காக கொண்டு வந்து விற்பனை செய்து வருகின்றனர். நேற்று நடந்த வாரச்சந்தையில், ஆரம்ப விலை 8 ஆயிரம் முதல் அதிகபட்சமாக 15 ஆயிரம் வரை விற்பனையானது. வெற்றிலை வரத்து அதிகரித்த நிலையில், கடந்த வாரத்தை விட மூட்டைக்கு 3 ஆயிரம் விலை குறைந்தது. இதில் 30க்கும் மேற்பட்ட வெற்றிலை மூட்டைகள் விற்பனையானது. தற்போது, மழை காரணமாக வெற்றிலை கொடி நன்கு வளர்ந்து வருவதால், வெற்றிலை வரத்து அதிகரித்துள்ளது. இதில் 4.50 லட்சத்திற்கு வெற்றிலை விற்பனையானதாக வியாபாரிகள் தெரிவித்தனர்.