மதுக்கடையை மூடக்கோரி சாலை மறியல்!

புதுக்கோட்டை மாவட்டம் கீரனூர் லட்சுமி திரையரங்கம் பேருந்து நிறுத்தம் முன்பாக திடீரென மது கடை திறக்கப்பட்டதை கண்டித்து அந்த மதுக்கடையை மூட கோரி விடுதலை கட்சிகள் மற்றும் எஸ்டிபிஐ கட்சியினர் லட்சுமி திரையரங்கம் அருகில் சாலை மறியலில் ஈடுபட்டனர். இதனால் அப்பகுதியில் போக்குவரத்து கடுமையாக பாதிக்கப்பட்டது.

இதையடுத்து கீரனூர் காவல் நிலைய ஆய்வாளர் தலைமையில் காவல்துறையினர் குவிக்கப்பட்டனர். மேலும் சம்பந்தப்பட்ட நபர்களை மறியலில் இருந்து செல்லுமாறு காவல்துறையினர் கேட்டுக் கொண்டனர்.

ஆனால் தொடர்ந்து சாலை மறியல் போராட்டத்தில் ஈடுபட்டதால் 50க்கும் மேற்பட்ட வரை காவல்துறை கைது செய்தனர். கைது செய்யப்பட்ட அனைவரையும் கீரனூர் தேவி பாலா திருமண மண்டபத்தில் அடைக்கப்பட்டுள்ளனர்.