ரூ. 27 லட்சத்தில் பள்ளி கட்டிடம் - திறந்து வைத்த முதல்வர்
முட்டல் பூமத்தம்பட்டி மலை கிராமத்தில் ரூ. 27 லட்சத்தில் கட்டப்பட்ட பள்ளி கட்டிடத்தை தமிழக முதல்வர் மு. க. ஸ்டாலின் காணொலிக்காட்சி மூலம் திறந்து வைத்தார்.
Update: 2024-02-20 05:43 GMT
கெங்கவல்லி:தலைவாசல் ஊராட்சி ஒன்றியம் மணி விழுந்தான் ஊராட்சி யில், முட்டல் பூமத்தம்பட்டி மலை கிராமத்தில் ரூ. 27 லட்சத் தில் கட்டப்பட்டுள்ள புதிய பள்ளி கட்டிடத்தை தமிழக முதல்- அமைச்சர் மு. க. ஸ்டாலின் காணொலிக்காட்சி மூலம் திறந்து வைத்தார்.
பள்ளி கட்டிட வளாகத்தில் நடந்த நிகழ்ச்சியில், தலைவாசல் ஒன்றிய ஆணையாளர் வெங்கடேஷ், மணி விழுந்தான் ஊராட்சி மன்ற தலைவர் விஜயகுமாரி நடேசன், ஊராட்சி துணைத்தலைவர் ஜெயலட்சுமி செல்வம் ஆகியோர் பள்ளி மாணவ- மாணவிகளுக்கு இனிப்பு வழங்கி பள்ளி கட்டிடத்தை பயன்பாட்டுக்கு கொண்டு வந்தனர்.
இதில், பள்ளி தலைமை ஆசிரியர் கந்தசாமி ஆசிரியர்கள் பள்ளி மாணவ-மாணவிகள், ஒன்றிய குழு உறுப்பினர், வார்டு உறுப்பினர்கள், பொதுமக்கள் உள்பட பலர் கலந்து கொண்டனர்.