கோபி மின் மயானத்திற்கு சக்தி மசாலா நிறுவனம் ரூ.5 லட்சம் நன்கொடை
கோபி ரோட்டரி சங்கத்தின் சார்பில் அமைக்கப்பட்டு வரும் மின் மயானத்திற்கு சக்தி மசாலா நிறுவனம் சார்பில் ரூ.5 லட்சம் நன்கொடை வழங்கப்பட்டது.
Update: 2024-06-15 05:19 GMT
நன்கொடை வழங்கல்
கோபி ரோட்டரி சங்கத்தின் சார்பில் மருதம் கோபி ரோட்டரி எரியூட்டும் மயான அறக்கட்டளையானது கோபி. தாலுக்கா லக்கம்பட்டி பேரூராட்சிக்குட்பட்ட மயானத்தில் இறந்தவர்களின் சடலங்களை பாதுகாப்பானமுறையில்,சுற்றுச்சுழலுக்கு கேடு ஏற்படாமல் எரிக்கும் வகையில் கட்டிவரும் நவீன எரியூட்டு மயானத்திற்கு சக்தி மசாலா நிறுவனம் சார்பில் நன்கொடையாக ரூ.5,00,000 க்கான காசோலையை சக்தி மசாலா நிறுவனர்கள் துரைசாமி மற்றும் சாந்தி துரைசாமி ஆகியோர் மருதம் கோபி ரோட்டரி எரியூட்டும் மயான அறக்கட்டளையின் தலைவர் .மு.சண்முகசுந்தரம் மற்றும் செயலர் சு. வெங்கடசுப்ரமணியத்திடம் வழங்கினர்.