பொன்னமராவதியில் சித்தி விநாயகர் கோவில் வருட பிறப்பு சிறப்பு வழிபாடு

பொன்னமராவதி அமரகண்டான் ஊரணி வடகரையில் உள்ள சித்திவிநாயகர் கோயிலில் பொன்னமராவதி வர்த்தகர் கழகம் சார்பில் 51ம் ஆண்டு தமிழ் வருடப்பிறப்பு சிறப்பு வழிபாடு மற்றும் அன்னதானம் நடைபெற்றது. தொடக்கமாக கணபதி ஹோமம் நடைபெற்றது. அதையடுத்து சித்திவிநாயகர்க்கு 16 வகையான அபிஷேக, ஆராதனைகள் செய்யப்பட்டு சிறப்பு வழிபாடு நடைபெற்றது. அதையடுத்து அன்னதானம் நடைபெற்றது.

வழிபாட்டில் சுற்றுவட்டார பகுதிகளைச்சார்ந்த திரளான பொதுமக்கள் பங்கேற்று வழிபட்டனர். ஏற்பாடுகளை பொன்னமராவதி வர்த்தகர் கழகத்தலைவர் எஸ்கேஎஸ்.பழனியப்பன், செயலர் எம்.முகமது அப்துல்லா, பொருளர் பிஎல்.ராமஜெயம் உள்ளிட்ட நிர்வாகிகள் செய்திருந்தன அதுபோல பொன்னமராவதிஅதுபோல பொன்னமராவதி சோழீஸ்வரர் கோயில், அழகியநாச்சியம்மன் கோயில், வலையபட்டி மலையாண்டி கோயில், புதுப்பட்டி புவனேஸ்வரி உடனாய பூலோகநாதர் கோயில் உள்ளிட்டகோயில்களில் நடைபெற்ற தமிழ் வருடப்பிறப்பு சிறப்பு வழிபாட்டில் திரளான பொதுமக்கள் பங்கேற்று வழிபட்டனர்.