சிவகாசியில் சிறப்பு சார்பு ஆய்வாளருக்கு மண்டை உடைப்பு: பிரபல ரவுடி கைது

விருதுநகர் மாவட்டம், சிவகாசி அருகே உள்ள ஹவுசிங் போர்டு பகுதியை சேர்ந்தவர் ஆறுமுகம் (52).இவர் சிவகாசி நகர் காவல் நிலையத்தில் சிறப்பு சார்பு ஆய்வாளராக பணியாற்றி வருகிறார்.இவர் விஸ்வநத்தம் முனியசாமி கோவில் திருவிழாவுக்கு பாதுகாப்பு பணிக்கு சென்று இருந்தார்.

அப்போது அதே பகுதியை சேர்ந்த மோகன்ராஜ் என்பவர் குடிபோதையில் அசிங்கமாக பேசி பொதுமக்களிடம் பிரச்சினை செய்துள்ளார்.அதனை தொடர்ந்து மோகன்ராஜை SSI ஆறுமுகம் கண்டித்துள்ளார். இதில் ஆத்திரம் அடைந்த மோகன்ராஜ் அங்கிருந்த உருட்டு கட்டையை எடுத்து SSI ஆறுமுகம் தலையில் தாக்கி கொலை மிரட்டல் விடுத்துள்ளார். மேலும் இதில் படுகாயமடைந்த SSI ஆறுமுகம் சிவகாசி அரசு மருத்துவமனையில் தீவிர சிகிச்சை பிரிவில் அனுமதிக்கப் பட்டுள்ள நிலைமையில்,

இந்த சம்பவம் குறித்து SSI ஆறுமுகம் கொடுத்த புகாரின் பேரில் சிவகாசி நகர் காவல் நிலைய போலீசார் மோகன்ராஜ் மீது பல்வேறு பிரிவுகளில் வழக்கு பதிவு செய்து தொடர் விசாரணை நடத்தி வருகின்றனர்.