ஆற்றூர் மரியா மருத்துவ கல்லூரிகள் ஆண்டு விழா

குமரி மாவட்டம் மரியா மருத்துவக் கல்லூரிகளில் ஆண்டு விழா நேற்று புதன்கிழமை நடைபெற்றது. நிகழ்ச்சிக்கு மரியா கல்விக் குழுமங்களின் தலைவர் டாக்டர் ஜி. ரசல் ராஜ் மற்றும் துணைத் தலைவர் ஷைனி தெரசா ஆகியோர்  தலைமை வகித்து குத்துவிளக்கேற்றினர். நிகழ்ச்சியில், மரியா ஆயுர்வேத மருத்துவக் கல்லூரி முதல்வர் வி.எஸ். சியாமளா தேவி, மரியா ஹோமியோபதி மருத்துவக் கல்லூரி முதல்வர் டி. திலீப் குமார், மரியா சித்தா மருத்துவக் கல்லூரி முதல்வர் ஆர்.டி. சஜிதா, மரியா நர்சிங் கல்லூரி முதல்வர் ஆர். கலா கிஷோர், மரியா அலைடு கெல்த் சயின்ஸ் கல்லூரி இயக்குநர் டபிள்யு ரோட்ரிக்ஸ், மரியா பிசியோதெரபி கல்லூரி முதல்வர் டி.பி.கே. ரெஜூலா, ஆவே மரியா நர்சிங் கல்லூரி முதல்வர் எம். மேபல் மிஷ்பா ஜெப ஷீலா, மரியா ஸ்கூல் ஆப் நர்சிங்  முதல்வர் ஆகியோர்  ஆண்டறிக்கை சமர்ப்பித்தனர். நிகழ்ச்சியில்,  தமிழ்நாடு மருத்துவக் கல்வித்துறை முன்னாள் இயக்குநர் டாக்டர் எட்வின் ஜோ  கல்வி மற்றும் விளையாட்டுப் போட்டிகளில் சிறப்பிடம் பெற்ற மாணவ, மாணவியருக்கு பரிசுகள் வழங்கி சிறப்புரையாற்றினார். மதுரை காமராஜர் பல்கலைக் கழக முன்னாள் துணை வேந்தர் பி.பி. செல்லத்துரை கருத்துரை வழங்கினார்.