மயிலாப்பூர் பகுதியில் வாக்கு சேகரித்தார் தமிழச்சி தங்கபாண்டியன்

சென்னை, மயிலாப்பூர் கிழக்கு பகுதியில் 09-வது நாளாக திமுக தென் சென்னை வேட்பாளர் தமிழச்சி தங்கபாண்டியன், இன்று காலை 8.00 மணி முதல் பொது மக்களை நேரில் சந்தித்து வாக்கு சேகரிப்பில் ஈடுபட்டார். இந்த தேர்தல் வாக்கு சேகரிப்பில் வேட்பாளர் தமிழச்சி தங்கபாண்டியனை ஆதரித்து மயிலாப்பூர் சட்டமன்ற உறுப்பினர் த.வேலு மற்றும் தொகுதி பொறுப்பாளர் ரவிச்சந்திரன் உள்ளிட்டோர் பிரச்சாரத்தினை தொடங்கி வைத்தார்.. காலில் ஏற்பட்ட காயம் காரணமாக தமிழச்சி தங்கபாண்டியன் 09-வது நாளாக அவ்வப்போது முதலுதவி சிகிச்சை மேற்கொண்டு,வாகனத்தில் உட்கார்ந்த படியே சென்று வாக்கு சேகரித்தார். இந்த வாக்கு சேகரிப்பு சத்தியவாணி முத்து நகரில் தொடங்கி விநாயகர் கோவில் தெரு, பஜார் தெரு, கச்சேரி தெரு, முண்டகக் கன்னி அம்மன் தெரு, திருவள்ளுவர் சாலை அதனை தொடர்ந்து,, திரௌபதி அம்மன் கோவில் தெரு, உஷா நகர் 2 வது தெரு, மண்டபம் இணைப்பு சாலை, பாலம்மாள் நகர் மெயின் ரோடு, பெருமாள் நகர் மெயின் வழியாக வந்து கலைஞர் தெருவில் நிறைவு பெறுகிறது இன்று காலை தொடங்கிய வாக்கு சேகரிப்பு மதியம் 1.00 மணிக்கு நிறைவு பெறுகிறது. இன்று மட்டும் மொத்தம் 34 இடங்களுக்கு நேரில் சென்று வாக்கு சேகரிக்க உள்ளார் வாக்கு சேகரித்த தமிழச்சி தங்க பாண்டியனுக்கு மகளிர் அணி சார்பாக 50க்கும் மேற்பட்ட பெண்கள் இணைந்து நடனமாடி உற்சாக வரவேற்பு அளித்தனர். மயிலாப்பூர் பகுதியில் வாக்கு சேகரித்த தமிழச்சி தங்கபாண்டியனுக்கு சட்டமன்ற உறுப்பினர் த.வேலு சார்பில் மாலை அணிவித்து, ஆரத்தி எடுத்து பிரம்மாண்ட வரவேற்பு அளிக்கப்பட்டது