தேகளீச பெருமாள் பனிப்போர்வை அணிந்து ஆஸ்தானம் எழுந்தருளல்

திருக்கோவிலுார் உலகளந்த பெருமாள் கோவிலில் வைகுண்ட ஏகாதசி ராபத்து உற்சவத்தில் பெருமாள் பனிப் போர்வை போர்த்தி ஆஸ்தானம் எழுந்தருளினார். வைகுண்ட ஏகாதசியையொட்டி, ராப்பத்து உற்சவம் கடந்த 23ம் தேதி துவங்கியது. விழாவின் 8ம் நாளான நேற்று முன்தினம் மாலை 6:00 மணிக்கு தேகளீச பெருமாள் சிறப்பு அலங்காரத்தில் கோவிலை வலம் வந்து, உடையவர் சன்னதியில் மண்டகப்படி நடந்தது. இரவு 8:00 மணிக்கு திருவாய்மொழி, சேவை சாற்றுமறை நடந்தது. தேகளீச பெருமாள் மெல்லிய இழை கொண்ட போர்வையால் திருமுகம் தெரிய போர்த்தப்பட்டு ஆஸ்தானம் எழுந்தருளினார். ஏராளமானோர் சுவாமியை தரிசனம் செய்தனர்.