வாலிபரை கத்தியால் குத்தியவர் கைது

சேலம் உடையாப்பட்டி மேட்டுத்தெருவை சேர்ந்தவர் சாமிநாதன் (வயது 30). இவருக்கும், அதே பகுதியை சேர்ந்த தீபன்ராஜ் (25) என்பவருக்கும் இடையே முன்விரோதம் இருந்து வந்தது. நேற்று முன்தினம் அவர்களிடையே திடீரென தகராறு ஏற்பட்டது. அப்போது தீபன்ராஜ் அவரை கத்தியால் குத்தினார். இதில் காயமடைந்த சாமிநாதன் சேலம் அரசு ஆஸ்பத்திரியில் சிகிச்சை பெற்று வருகிறார். இதுகுறித்து அம்மாபேட்டை போலீஸ் நிலையத்தில் புகார் கொடுக்கப்பட்டது. அதன்பேரில் போலீசார் வழக்குப்பதிவு செய்து தீபன்ராஜை கைது செய்தனர்.