தொடர் திருட்டில் ஈடுபட்டவர் கைது

 கடையம் அருகே  காந்தி நகரில் உள்ள, பக்கீர் மைதீன் என்பவரின், ராஜா டீஸ்டால் என்ற கடையிலும், இந்திரா நகரில் உள்ள தமீம் அன்சாரி என்பவரின் சப்பல் கடையிலும் பூட்டு உடைக்கப்பட்டு பணம் மற்றும் பொருட்கள் திருடப்பட்டன. காவல்துறையினர் திருடனை தேடி வந்த நிலையில், தொடர்ச்சியாக திருமலையப்பபுரத்தில் இப்ராஹிம் என்பவரின், பேன்ஸி ஸ்டோர், முதலியார்பட்டியில் ஸ்டூடன்ட் கம்ப்யூட்டர் கடையிலும்,  ரஹ்மத் நகரில் உள்ள, அப்பாஸ் என்பவருக்கு சொந்தமான TSM ஹார்டுவேர்ஸ் கடையிலும் பேரமுதன் ஜெராக்ஸ் - கெமிக்கல்ஸ் அப்துல் காதர் என்பவரின் டீஸ்டால் ஆகிய கடைகளில் இரவு நேரங்களில் பூட்டு உடைக்கப்பட்டு, திருட்டுச்சம்பவங்கள் நடைபெற்றன.

கொள்ளையனை கைது செய்யக்கோரி போராட்டம் நடத்தப்போவதாக முதலியார்பட்டி தென்பொதிகை வியாபாரிகள் நலச்சங்கம் அறிவிக்கப்பட்டிருந்தது. இந்நிலையில் தீவிரமாக தேடிவந்த கடையம் காவல்நிலைய எஸ்ஐ வேல் முருகன் தலைமையிலான குழுவினர் திருட்டு சம்பவத்தில் ஈடுபட்ட மூசா என்ற இளைஞனை கைது செய்தனர். அவரது  வீட்டில் பூட்டை உடைக்க பயன்படுத்திய கருவிகள், மற்றும் திருடிய பொருட்கள் ஆகியவைகளை போலீசார் கைப்பற்றினர். விசாரனை நடைபெற்று வருகிறது.