பொதுமக்களை மிரட்டியவர் கைது

கள்ளக்குறிச்சி சப் இன்ஸ்பெக்டர் சத்தியசீலன் மற்றும் போலீசார் ரோந்துப் பணியில் ஈடுபட்டனர். அப்போது கள்ளக்குறிச்சி - கச்சிராயபாளையம் சாலையில், ஏமப்பேரைச் சேர்ந்த பச்சமுத்து மகன் ஆதிகேசவன், 22; கையில் கருங்கல்லை வைத்துக்கொண்டு பொதுமக்களை மிரட்டி, போக்குவரத்துக்கு இடையூறு ஏற்படுத்தினார். உடனடியாக போலீசார் அவரை அங்கிருந்து அப்புறப்படுத்தி காவல் நிலையத்திற்கு அழைத்துச் சென்றனர். பொதுமக்களை மிரட்டி அச்சுறுத்தியதாக, ஆதிகேசவன் மீது கள்ளக்குறிச்சி நகர போலீசார் வழக்குப் பதிந்து அவரை கைது செய்தனர்.