கட்டியாநத்தம் கோயிலில் இன்று கரகம் எடுப்பு திருவிழா

பொன்னமராவதி: கண்டியாநத்தத்தில் உள்ள விஸ்வகர்மா மஹாஜனங்களுக்கு சொந்தமான காமாட்சியம்மன் கோயிலில் கரகம் எடுப்பு திருவிழாவை முன்னிட்டு கணபதி ஹோமம் நடந்தது. சிவாச்சாரியார் விக்னேஸ்வர சுப்பிரமணியர் தலைமையில் யாக பூஜைகள் நடந்தன. தொடர்ந்து சுவாமிக்கு சிறப்பு அபிஷேக, ஆராதனைகள் செய்யப்பட்டன. மாலையில் கரகம்கோயிலுக்கு வந்தது. நேற்று காலை காமாட்சியம்மனுக்கு பூஜையும், மாலை 4 மணிக்கு மாவிளக்கு பூஜையும் நடந்தது. இன்று (11ம் தேதி) காலை 10 மணிக்கு அம்மனுக்கு பூஜை நடத்தப்படுகிறது. இரவு கரகம் புறப்பட்டு முக்கிய வீதிகள் வழியாக சென்று குளத்தில் செலுத்தும் வைபவம் நடக்கிறது. விழா ஏற்பாடுகளை கோயில் உறவின் முறையாளர்கள் மற்றும் ஊர்மக்கள் செய்துள்ளனர்.