டூ வீலர்-டாட்டா ஏஸ் வாகனம் நேருக்கு நேர் மோதி விபத்து !

டூ வீலர்-டாட்டா ஏஸ் வாகனம் நேருக்கு நேர் மோதி விபத்து. அண்ணன் தம்பி படுகாயம். நாமக்கல் மாவட்டம், பரமத்தி வேலூர், செங்கம்பள்ளி அருகே உள்ள மங்களமேடு காலனி பகுதியைச் சேர்ந்தவர் துரைசாமி மகன் லட்சுமணன் வயது 29. இவரது சகோதரர் ராமன் வயது 29. இவர்கள் இருவரும் இவர்களுக்கு சொந்தமான டூவீலரில் மார்ச் 26 ஆம் தேதி இரவு 7 மணி அளவில், கரூரிலிருந்து சேலம் செல்லும் சாலையில் சென்று கொண்டு இருந்தனர். இவர்களது டூவீலர் பகவதி கார் மெக்கானிக் கடை அருகே சென்று கொண்டு இருந்தபோது, எதிர் திசையில், கரூர், பெரிய குளத்து பாளையம், கருப்பண்ண கவுண்டர் தெருவை சேர்ந்த பாலசுப்பிரமணி என்பவர் ஓட்டி வந்த டாட்டா ஏஸ் வாகனம், லட்சுமணன் ஓட்டி சென்ற டூவீலர் மீது நேருக்கு நேர் மோதி விபத்து ஏற்பட்டது. இந்த விபத்தில் லட்சுமணன் மற்றும் ராமன் ஆகிய இருவருக்கும் பலத்த காயம் ஏற்பட்டது. உடனடியாக அவர்களை மீட்டு தனியார் ஆம்புலன்ஸ் மூலம் கரூரில் உள்ள நாதன் மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக லட்சுமணன் அளித்த புகார் பேரில் சம்பவ இடத்துக்கு சென்று விசாரணை மேற்கொண்ட காவல்துறையினர், சரக்கு வாகனத்தை வேகமாகவும் அஜாக்கிரதையாகவும் ஒட்டி விபத்து ஏற்படுத்திய பாலசுப்பிரமணி மீது வழக்கு பதிவு செய்துள்ளனர் வெங்கமேடு காவல்துறையினர்.